(Bal-e-Jibril-008) Preshan Ho Ke Meri Khak Akhir Dil Na Ban Jaye

Preshan Ho Ke Meri Khaak Akhir Dil Na Ban Jaye
Jo Mukshkil Ab Hai Ya Rab Phir Vohi Mushkil Na Ban Jaye

Na Kar Dain Mujh Ko Majboor-E-Nawa Firdous Mein Hoorain
Mera Soz-E-Daroon Phir Garmi-E-Mehfil Na Ban Jaye

Kabhi Chhori Huwi Manzil Bhi Yaad Ati Hai Raahi Ko
Khatak Si Hai, Jo Sinay Mein, Gham-E-Manzil Na Ban Jaye

Banaya Ishq Ne Darya’ay Na-Payda Karan Mujh Ko
Ye Meri Khud Nigahdari Mera Sahil Na Ban Jaye

Kahin Iss Alam-E-Be-Rang-O-Bu Mein Bhi Talab Meri
Vohi Afsana’ay Dunbala’ay Mehmil Na Ban Jaye

Urooj-E-Adam-E-Khaki Se Anjum Sehme Jate Hain
K Ye Toota Hua Tara Mah-E-Kamil Na Ban Jaye