(Bal-e-Jibril-036) Mir-e-Sipah Na Saza, Lashkar Yaan Shakista Saf

Mir-E-Sipah Na Saza, Lashkariyan Shakista Sifat
Aah ! Woh Teer-E-Neem Kush Jis Ka Na Ho Koi Hadaf

Tere Muheet Mein Kahin Gohar-E-Zindagi Nahin
Dhoond Chuka Main Mouj Mouj, Dekh Chukka Sadaf Sadaf

Ishq-E-Bootan Se Hath Utha, Apni Khudi Mein Doob Ja
Naqsh-O-Nigar-E-Dair Mein Khoon-E-Jigar Na Kar Talaf

Khol Ke Kya Bayan Karun Sirr-E-Maqam-E-Marg-O-Ishq
Ishq Hai Marg-E-Ba-Sharaf, Marg Hayat-E-Be-Sharaf

Sohbat-E-Peer-E-Room Se Mujh Pe Huwaye Raaz Faash
Lakh Hakeem Sar Bajeeb, Aik Kaleem Sar Bakaf

Misl-E-Kaleem Ho Agar Maarka Azma Koi
Ab Bhi Darkht-E-Toor Se Ati Hai Bang-E-‘LA TAKHAF’

Kheerah Na Kar Saka Mujhe Jalwa’ay Danish-E-Farang
Surma Hai Meri Ankh Ka Khaak-E-Madina-O-Najaf