(Bal-e-Jibril-020) Bohat Dekhe Hain Main Ne Mashriq-o-Maghrib Ke Maikhane

Bohat Dekhe Hain Main Ne Mashriq-O-Maghrib Ke May Khane
Yahan Saqi Nahin Payda, Wahan Be-Zauq Hai Sehba

Na Iran Main Rahe Baqi, Na Tooran Mein Rahe Baqi
Vo Banday  Faqr Tha Jin Ka Halaak-E-Qaisar-O-Kasra

Yehi Sheikh-E-Haram Hai Jo Chura Kar Baich Khata Hai
Galeem-E-Bu Zar(R.A.) O Dalaq-E-Awais (R.A) O Chadar-E-Zahra (R.A.)

Huzoor-e-Haq Mein Israfeel Ne Meri Shikayat Ki
Ye Banda Waqt Se Pehle Qayamat Kar Na De Barpa

Nida Ayi Ke Ashob-E-Qayamat Se Ye Kya Kam Hai
‘Garaftah Cheeniyan Ahram-O-Makki Khufta Dar Batha’
(Ye Misra Haheem Sanai R.A. Ka Hai)

Labalab Shisha’ay Tehzeeb-E-Hazir Hai Ma’ay ‘LA’ Se
Magar Saqi Ke Hathon Mein Nahin Paymana’ay ‘ILLAH’

Daba Rakha Hai Uss Ko Zakhmawer Ki Taez Dasti Ne
Bohat Neeche Suron Mein Hai Abhi Yourap Ka Wavela

Issi Darya Se Uthti Hai Vo Mouj-E-Tund Joulan Bhi
Nehnangon Ke Nasheman Jis Se Hote Hain Teh-O-Bala