(Bal-e-Jibril-023) Woh Harf-e-Raaz Ke Mujh Ko Sikha Gaya Hai Janoon

Woh Harf-E-Raaz Ke Mujh Ko Sikha Gya Hai Junoon
Khuda Mein Nafs-E-Jibraeel De To Kahon

Sitara Kya Meri Taqdeer Ki Khabar De Ga
Woh Khud Farakhi-E-Aflaak Mein Hai Khwaar-O-Zaboon

Hayat Kya Hai, Khiyal-O-Nazar Ki Majzoobi
Khudi Ki Mout Hai Andesha Ha’ay Goonagoon

Ajab Maza Hai, Mujhe Lazzat-E-Khudi De Kar
Woh Chahte Hain K Main Apne Ap Mein Na Rahon

Zameer-E-Paak-O-Nigah-E-Buland-O-Masti-E-Shauq
Na Maal-O-Doulat-E-Qaroon, Na Fikar-E-Aflatoon

Sabaq Mila Hai Ye Miraaj-E-Mustafa (S.A.W.) Se Mujhe
Ke Alam-E-Bashriat Ki Zad Mein Hai Gardoon

Ye Kainat Abhi Na-Tamam Hai Shaid
Ke Aa Rahi Hai Damadam Sada’ay ‘Kun Fayakoon’

Elaj Atish-E-Rumi Ke Soz Mein Hai Tera
Teri Khirad Pe Hai Ghalib Farangion Ka Fasoon

Ussi Ke Faiz Se Meri Nigah Hai Roshan
Ussi Ke Faiz Se Mere Saboo Mein Hai Jehoon