(Bal-e-Jibril-027) Phir Chiragh-e-Lala Se Roshan Huay Koh-o-Daman

Phir Charagh-E-Lala Se Roshan Huay Koh-O-Daman
Mujh Ko Phir Naghmon Pe Uksane Laga Murg-E-Chaman

Phool Hain Sehra Mein Ya Pariyan Qitar Andar Qitar
Udde Udde, Neele Neele, Peele Peele Payrhan

Barg-E-Gul Par Rakh Gyi Shabnam Ka Moti Bad-E-Subah
Aur Chamkati Hai Iss Moti Ko Sooraj Ki Kiran

Husn-E-Beparwa Ko Apni Be-Naqabi Ke Liye
Hun Agar Shehron Se Bann Payare To Shehar Ache K Bann

Apne Mann Mein Doob Kar Pa Ja Sooragh-E-Zindagi
Tu Agar Mera Nahin Banta Na Bann, Apna To Bann

Mann Ki Duniya! Mann Ki Dunya Soz-O-Masti, Jazab-O-Shauq
Tann Ki Dunya! Tann Ki Dunya Sood-O-Soda, Maker-O-Fann

Mann Ki Doulat Hath Ati Hai To Ohir Jati Nahin
Tann Ki Doulat Chaon Hai, Ata Hai Dhan Jata Hai Dhan

Mann Ki Duniya Mein Na Paya Mein Ne Afrangi Ka Raaj
Man Ki Duniya Mein Na Dekhe, Mein Ne Sheikh-O-Barhaman

Pani Pani Kar Gyi Mujh Ko Qalandar Ki Ye Baat
Tu Jhuka Jab Ghair Ke Agay, Na Mann Tera Na Tann