(Bal-e-Jibril-072) Ne Muhrah Baqi, Ne Muhrah Bazi

Ne Muhra Baqi, Ne Muhra Bazi
Jeeta Hai Rumi, Haara Hai Razi

Roshan Hai Jaam-e-Jamshaid Ab Tak
Shahi Nahin Hai Be Sheesha Bazi

Dil Hai Musalman Mera Na Tera
Tu Bhi Namazi, Mein Bhi Namazi!

Mein Janta Hun Anjaam Uss Ka
Jis Maarke Mein Mullah Hon Ghazi

Turki Bhi Sheerin, Tazi Bhi Sheerin
Harf-e-Mohabbat Turki Na Tazi

Aazar Ka Paisha Khara Tarashi
Kaar-e-Khaleelan Khara Gudazi

Tu Zindagi Hai, Paendagi Hai
Baqi Hai Jo Kuch, Sub Khaak Bazi