(Bang-e-Dra-070) .... Ki Gode Mein Billi Dekh Kar

…Ki Gode Mein Bili Dekh Kar

Tujh Ko Duz Didah Nigahi Ye Sikha Di Kis Ne
Ramz Aghaz-e-Mohabbat Ki Bata Di Kis Ne

Har Ada Se Teri Paida Hai Mohabat Kaisi
Neeli Ankhon Se Tapakti Hai Zakawat Kaisi

Dekhti Hai Kabhi In Ko, Kabhi Sharmati Hai
Kabhi Uthti Hai, Kabhi Lait Ke So Jati Hai

Ankh Teri Sift-e-Aaeena Heran Hai Kya
Noor-e-Agahi Se Roshan Teri Pehchan Hai Kya

Maarti  Hai Inhain Ponhchon Se, Ajab Naaz Hai Ye
Chair Hai, Gussa Hai Ya Pyar Ka Andaz Hai Ye?

Shaukh Tu Ho Gi To Godi Se Utarain Ge Tujhe
Gir Gya Phool Jp Seene Ka To Marain Ge Tujhe

Kya Tajasus Hai Tujhe, Kis Ki Tamanai Hai
Ah! Kya Tu Bhi Issi Cheez Ki Sodayi Hai

Khas Insan Se Kuch Husn Ka Ehsas Nahin
Soorat-e-Dil Hai Ye Har Cheez Ke Batin Mein Makeen

Sheesha-e-Dehr Mein Manind-e-Mai-e-Naab Hai Ishq
Rooh-e-Khursheed Hai, Khoon-e-Rag-e-Mehtab Hai Ishq

Dil-e-Har Zarra Mein Poshida Kasak Haai Iss Ki
Noor Ye Wo Hai Ke Har Shay Mein Jhalak Hai Uss Ki

Kahin Saman-e-Musarrat, Kahin Saaz-e-Gham Hai
Kahin Gohar Hai, Kahin Ashk, Kahin Shabnam Hai