(Bang-e-Dra-075-2) Ashiq-e-Harjai

Ishq Ki Ashuftagi  Ne Kar Diya Sehra Jise
Musht-e-Khak Aesi Nahan Zair-e-Qaba Rakhta Hun Main

Hain Hazaron Iss Ke Pehlu, Rang Har Pehlu Ka Aur
Seene Mein Heera Koi Tarsha Huwa Rakhta Hun Main

Dil Nahin Shayar Ka, Hai Kaifiyat Ki Rastkhair
Kya Khabar Tujh Ko, Durun-e-Seena Kya Rakhta Hun Main

Arzoo Har Kafiat Mein Ek Naye Jalwe Ke Hai
Muztarib Hun, Dil Sukoon Na-Ashna Rakhta Hun Main

Go Haseen-e-Taza Hai Har Lehza Maqsood-e-Nazar
Husn Se Mazboot Peman-e-Wafa Rakhta Hun Main

Be-Niazi Se Hai Paida Meri Fitrat Ka Niaz
Souz-o-Saaz-e-Justujoo Misl-e-Saba Rakhta Hun Main

Mujab-e-Taskeen Tamashaye Sharar-e-Jasta Ae
Ho Nahin Sakta Ke Dil Barq Ashna Rakhta Hun Main

Har Taqaza Ishq Ki Fitrat Ka Ho Jis Se Khamosh
Aah! Woh Kamil Tajalli Mudda Rakhta Hun Main

Justujoo Kul Ki Liye Phirti Hai Ajza Mein Mujhe
Husn Be-Payan Hai, Dard-e-La-Dawa Rakhta Hun Main

Zindagi Ulfat Ki Dard Anjamiyon Se Hai Meri
Ishq Ko Azad-e-Dastoor-e-Wafa Rakhta Hun Main

Such Agar Puche To Aflas-e-Takhiyul Hai Wafa
Dil Mein Har Dam Ek Naya Mehshar Bipa Rakhta Hun Main

Faiz-e-Saqi Shabnam Aasa, Zarf-e-Dil Darya Talab
Tashna-e-Dayem Hun Atish Zair-e-Pa Rakhta Hun Main

Mujh Ko Paida Kar Ke Apna Nukta-Cheen Paida Kiya
Naqsh Hun, Apne Musawwar Se Gila Rakhta Hun Main

Mehfil-e-Hasti Mein Jab Aesa Tunk Jalwa Tha Husn
Phir Takhiyyul Kis Liye La-Intiha Rakhta Hun Main

Dar Byanban-e-Talab Pewasta Mee Kosheeyam Ma
Mouj-e-Beheriyam-o-Shikast-e-Khowesh Bar Dosheyam Ma