(Bang-e-Dra-103) Aik Haji Madine Ke Raste Mein

Aik Haji Madine Ke Raste Mein

Qafla Loota Gya Sehra Mein Aur Manzil Hai Door
Iss Byaban Yani Behr-e-Khushk Ka Sahil Hai Door

Hum Safar Mere Shikar-e-Dashna-e-Rehzan Huwe
Bach Gye Jo, Ho Ke Be-Dil Sooye Bait Ullah Phire

Uss Bukhari Naujawan Ne Kis Khushi Se Jaan Di!
Mout Ke Zehr Ab Mein Payi Hai Uss Ne Zindagi

Khanjar-e-Rahzan Usse Goya Hilal-e-Eid Tha
‘Haye Yasrab’ Dil Mein Lab Par Naara-e-Touheed Tha

Khauf Kehta Hai Ke Yasrab Ki Taraf Tanha Na Chal
Shauq Kehta Hai Tu Muslim Hai, Bebakana Chal

Be-Ziarat Sooye Bait Ullah Phir Jaun Ga Kya
Ashiqon Ko Rouz-e-Mehshar Munh Na Dikhlaun Ga Kya

Khauf-e-Jaan Rakhta Nahin Kuch Dast Pemaye Hijaz
Hijrat-e-Madfoon-e-Yasrab (S.A.W.)  Mein Yehi Makhfi Hai Raaz

Go Salamat Mehmil-e-Shami Ki Humrahi Mein Hai
Ishq Ki Lazzat Magar Khatron Ki Jaankahi Mein Hai

Aah! Ye Aqal-e-Zayan Andaish Kya Chalak Hai
Aur Tassur Admi Ka Kis Qadr Bebaak Hai