(Bang-e-Dra-110) Nasihat

Nasihat

Mein Ne Iqbal Se Azrah-e-Nasihat Ye Kaha
Aamil-e-Roza Hai Tu Aur Na Paband Namaz

Tu Bhi Hai Shewa-e-Arbab-e-Raya Mein Kamil
Dil Mein Landan Ki Hasas, Lab Pe Tere Zikr-e-Hijaz

Jhoot Bhi Maslahat Amaiz Tera Hota Hai
Tera Andaz-e-Tamluq Bhi Sarapa Ejaz

Khatam Taqreer Teri Midhat-e-Sarkar Pe Hai
Fikr-e-Roshan Hai Tera Mujad-e-Aaeen-e-Niaz

Dar-e-Hukkam Bhi Hai Tujh Ko Maqam-e-Mehmood
Palicy Bhi Teri Pecheeda Ter Az Zulf-e-Ayaz

Aur Logon Ki Tarah Tu Bhi Chupa Sakta Hai
Parda-e-Khidmat-e-Deen Mein Hawas-e-Jah Ka Raaz

Nazar Aa Jata Hai Masjid Mein Bhi Tu Eid Ke Din
Asr-e-Wa’az Se Hoti Hai Tabiat Bhi Gudaz

Dast Parward Tere Mulk Ke Akhbar Bhi Hain
Chairna Farz Hai Jin Par Teri Tashheer Ka Saaz

Iss Pe Turra Hai Ke Tu Shair Bhi Keh Sakta Hai
Teri Meenaye Sukhan Mein Hai Sharab-e-Shiraz

Jitne Ausaf Hain Leader Ke, Wo Hain Tujh Mein Sabhi
Tujh Ko Lazim Hai Ke Ho Uth Ke Shareek-e-Tag-o-Taaz

Gham-e-Sayyad Nahin, Aur Par-o-Baal Bhi Hain
Phir Sabab Kya Hai, Nahin Tujh Ko Damagh-e-Parwaz

“Aaqabat  Manzil-e-Ma Wadi-e-Khamoshan-e-Ast
Haliya Ghughula Dar Gunbad-e-Aflak Andaz”