Tazmeen Bar Shair-e-Abu Talib KaleemKhoob Hai Tujh Ko Shiaar-e-
Sahib-e-Yasrib (S.A.W.) Ka Paas
Keh Rahi Hai Zindagi Teri Ke Tu Muslim Nahin
Jis Se Tere Halqa-e-Khatim Mein Gardoon Tha Aseer
Ae Suleman! Teri Ghaflat Ne Ganwaya Woh Nageen
Woh Nishan-e-Sajda Jo Roshan Tha Koukab Ki Tarah
Ho Gyi Hai Uss Se Ab Na-Ashna Teri Jabeen
Dekh To Apna Amal, Tujh Ko Nazar Ati Hai Kya
Woh Sadaqat Jis Ki Be-Baki Thi Hairat Afreen
Tere Aaba Ki Nigah Bijli Thi Jis Ke Waste
Hai Wohi Batil Tere Kashana-e-Dil Mein Makeen
Ghafil! Apne Ashiyan Ko Aa Ke Phir Abad Kar
Naghma Zan Hai Toor-e-Ma’ani Par Kaleem-e-Nukta Been
“Sarkashi Bahir Ke Kar Di, Raam-e-Ao Bayad Shadan
Shaola Saan Azhar Kuja Barkhasti, Aanja Nasheen"
No comments:
Post a Comment