(Bang-e-Dra-147) Phoolon Ki Shahzadi

Phoolon Ki Shehzadi

Kali Se Keh Rahi Thi Aik Din Shabnam Gulisan Mein
Rahi Main Aik Muddat Ghuncha Haye Bagh-e-Rizwan Mein

Tumhare Gulistan Ki Kaifiat Sarshar Hai Aesi
Nigah Firdous Dar Daman Hai Meri Chashm-e-Heeran Mein

Suna Hai Koi Shehzadi Hai Hakim Iss Gulistan Ki
Ke Jis Ke Naqsh-e-Pa Se Phool Hon Paida Byaban Mein

Kabhi Sath Apne Uss Ke Astan Tak Mujh Ko Tu Le Chal
Chupa Kar Apne Daman Mein Barang-e-Mouj-e-Bu Le Chal

Kali Boli, Sareer Ara Humari Hai Woh Shehzadi
Darkhashan Jis Ki Thoukar Se Hon Pathar  Bhi Nageen Ban Kar

Magar Fitrat Teri Uftanda Aur Begam Ki Shan Unchi
Nahin Mumkin Ke Tu Pohenche Humari Hum-Nasheen Ban Kar

Pohench Sakti Hai Tu Lekin Humari Shahzadi Tak
Kisi Dukh Dard Ke Mare Ka Ashak-e-Atisheen Ban Kar

Nazar Uss Ki Payam-e-Eid Hai Ahl-e-Muhram Ko
Bana Deti Hai Gohar Ghamzadon Ke Ashak-e-Peham Ko