(Bang-e-Dra-151) Jang-e-Yarmook Ka Aik Waqia

Jang-e-Yarmook Ka Aik Waqia

Saf Basta The Arab Ke Jawanan-e-Taeghband
Thi Muntazir Hina Ki Uroos-e-Zameen-e-Shaam

Ek Naujawan Soorat-e-Seemab Muztarib
Aa Kar Huwa Ameer-e-Asakar Se Hum Kalam

Ae Bu-Ubaidah (R.A.) Rukhsat-e-Paikaar De Mujhe
Labraiz Ho Gya Mere Sabr-o-Sakoon Ka Jaam

Be Taab Ho Raha Hun Mein Firaaq-e-Rasool (S.A.W.) Mein
Ek Dam Ki Zindagi Bhi Mohabbat Mein Hai Haraam

Jata Hun Mein Huzoor-e-Risalat Panah (S.A.W.) Mein
Le Jaun Ga Khushi Se Agar Ho Koi Peyam

Ye Zauq-o-Shauq Dekh Kar Purnam Huwi Woh Ankh
Jis Ki Nigah Thi Safat-e-Taegh-e-Benayam

Bola Ameer-e-Fouj Ke “Woh Naujawan Hai Tu
Peeron Pet Ere Ishq Ka Wajib Hai Ehtaram

Pure Kare Khuda’ay Muhammad (S.A.W.) Teri Murad
Kitna Buland Teri Mohabbat Ka Hai Maqam!

Pohanche Jo Bargah-e-Rasool-e-Ameen (S.A.W.)  Mein Tu
Karna Ye Arz Meri Taraf Se Pas Az Salam

Hum Par Karam Kiya Hai Khuda’ay Ghayoor Ne
Puray Huwe Jo Wade Kiye The Huzoor (S.A.W.) Ne”