(Bang-e-Dra-160) Humayon (Mr. Justice Shah Deen Marhoom)

Humayun
(Mr. Justice Shah Deen Marhoom)

Ae Humayun! Zindagi Teri Sarapa Souz Thi
Teri Chingari Charagh-e-Anjuman Afroz Thi

Garche Tha Tera Tan-e-Khaki Nazaar-o-Dard Mand
Thi Sitare Ki Tarah Roshan Teri Taba-e-Buland

Kis Qadar Bebak Dil Iss Natawan Paikar Mein Tha
Shoala-e-Gardoon Naward Ek Musht-e-Khakstar Mein Tha

Mout Ki Lekin Dil-e-Dana Ko Kuch Parwa Nahin
Shab Ki Khamoshi Mein Juz Hangama-e-Farda Nahin

Mout Ko Samjhe Hain Ghafil Ikhtitam-e-Zindagi
Hai Ye Sham-e-Zindagi Subah-e-Dawam-e-Zindagi