(Zarb-e-Kaleem-008) Aik Falsafa-zada Syed Zadde Ke Naam

Aik Falsafa Zada Syed Zade Ke Naam

Tu Apni Khudi Agar Na Khota
Zunnari-e-Bargsan Na Hota

Heegal Ka Sadaf Guhar Se Khali
Hai Uss Ka Tilism Sub Khayali

Mohkam Kaise Ho Zindagi
Kis Tarah Khudi Ho La-Zamani!

Adam Ko Sabat Ki Talab Hai
Dastoor-e-Hayat Ki Talab Hai

Dunya Ki Asha Ho Jis Se Ishraaq
Momin Ki Azan Nidaye Afaq

Main Asal Ka Khas Somanti
Aaba Mere Lati-o-Manati

Tu Syed-e-Hashmi Ki Aulad
Meri Kaf-e-Khak Barhman Zad

Hai Falsafa Mere Aab-o-Gil Mein
Poshida Hai Raisha Haye Dil Mein

Iqbal Agarche Behunar Hai
Iss Ki Rag Rag Se Ba-Khabar Hai

Shaula Hai Tere Junoon Ka Be-Souz
Sun Mujh Se Ye Nukta-e-Dil Afroz

Anjam-e-Khirad Hai Be Huzoori
Hai Falsafa Zindagi Se Doori

Afkar Ke Naghma Haye Be Soot
Hain Zauq-e-Amal Ke Waste Mout

Deen-e-Maslak-e-Zindagi Ki Taqween
Deen-e-Sirr-e-Muhammad (S.A.W.)-o-Baraheem (A.S.)

“Dil Dar Sukhan-e-Muhammadi (S.A.W.) Band
Ae Por-e-Ali (R.A.) Za Bu Ali Chand!

Choon Didah-e-Rah Been Nadari
Qaid Qarshi Ba Az Bukhari”

Farsi Ashaar Hakeem Khaqani Ki ‘Tohfa-Ul-Arifeen’ Se Hain