(Zarb-e-Kaleem-039) Qalander Ki Pehchan

Qalandar Ki Pehchan

Kehta Hai Zamane Se Ye Darvesh-e-Jawan Mard
Jata Hai Jidhar Banda-e-Haq, Tu Bhi Udhar Ja!

Hangame Hain Mere Teri Taqat Se Zaida
Bachta Huwa Bunigah-e-Qalandar Se Guzar Ja

Mein Kishti-O-Mallah Ka Mohtaj Na Hun Ga
Charhta Huwa Darya Hai Agar Tu To Utar Ja

Torha Nahin Jadoo Meri Takbeer Ne Tera?
Hai Tujh Mein Mukar Jane Ki Jurrat To Mukar Ja!

Meher-O-Mah-O-Anjum Ka Mahasib Hai Qalandar
Ayyam Ka Markab Nahin, Rakin Hai Qalandar