(Zarb-e-Kaleem-051) Ghazal

Ghazal

Teri Mata-e-Hayat Ilm-o-Hunar Ka Suroor
Meri Mata-e-Hayat Aik Dil-e-Nasaboor!

Moujaza-e-Ahl-e-Fikar, Falsafa-e-Paich Paich
Moujaza-e-Ahl-e-Zikr, Musa(A.S.)-o-Firoun-o-Toor

Muslahatan Keh Diya Main Ne Musalman Tujhe
Tere Nafs Mein Nahi, Garmi-e-Youm-Ul-Nashoor

Aik Zamane Se Hai Chaak Gireban Mera
Tu Hai Abhi Hosh Mein, Mere Junoon Ka Qasoor!

Faiz-e-Nazar Ke Liye Zabt-e-Sukhan Chahye
Harf-e-Preshan Na Keh Ahl-e-Nazar Ke Huzoor

Khawar Jahan Mein Kabhi Ho Nahin Sakti Woh Qoum
Ishq Ho Jis Ka Jasoor, Faqr Ho Jis Ka Ghayoor