(Zarb-e-Kaleem-057) Nabuwwat

Nabuwwat

Main Na Arif, Na Mujaddid, Na Muhaddis, Na Faqeeh
Mujh Ko Maloom Nahin Kya Hai Nabuwwat Ka Maqam

Haan, Magar Alam-e-Islam Pe Rakhta Hun Nazar
Fash Hai Mujh Pe Zameer-e-Falak-e-Neeli Faam

Asar-e-Hazir Ki Shab-e-Taar Mein Dekhi Main Ne
Ye Haqeeqat Ke Hai Roshan Sifat-e-Mah-e-Tamam

“Woh Nabuwwat Hai Musalman Ke Liye Barg-e-Hasheesh
Jis Nabuwwat Mein Nahin Quwwat-o-Shoukat Ka Payam”