(Zarb-e-Kaleem-072) Zamana-e-Hazir Ka Insan

Zamana-e-Hazir Ka Insan

‘Ishq Na-Paid-o-Khird Megazardish Soorat-e-Maar’
Aqal Ko Taba-e-Farman-e-Nazar Kar Na Saka

Dhoondne Wala Sitaron Ki Guzrgahon Ka
Apne Afkar Ki Dunya Mein Safar Kar Na Saka

Apni Hikmat Ke Kham-o-Paich Mein Uljha Aesa
Aj Tak Faisla-e-Nafa-o-Zarar Kar Na Saka

Jis Ne Suraj Ki Shuaon Ko Giraftar Kiya
Zindagi Ki Shab-e-Tareek Sehar Kar Na Saka !