(Zarb-e-Kaleem-129) Subah-e-Chaman

Subah-e-Chaman

Phool

Shaid Tu Samajhti Thi Watan Door Hai Mera
Ae Qasid-e-Aflaak! Nahin, Door Nahin Hai

Shabnam

Hota Hai Magar Mehnat-e-Parwaz Se Roshan
Ye Nukta Ke Gurdoon Se Zameen Door Nahin Hai

Subah

Manind-e-Sahar Sehan-e-Gulistan Mein Qadam Rakh
Aye Teh-e-Paa Gohar-e-Shabnam Tou Na Tootte

Ho Koh-o-Byaban Se Hum-Aghosh, Walekin
Hathon Se Tere Daman-e-Aflaak Na Choote!