(Zarb-e-Kaleem-136) Surood-e-Hilal

Surood-e-Hilal

Khul To Jata Hai Mughanni Ke Bam-o-Zeer Se Dil
Na Raha Zinda-o-Painda To Kya Dil Ki Kushood!

Hai Abhi Seena-e-Aflak Mein Oinhan Wo Nawa
Jis Ki Garmi Se Pighal Jaye Sitaron Ka Wujood

Jis Taseer Se Adam Ho Gham-o-Khof Se Pak
Aur Paida Ho Ayazi Se Maqam-e-Mehmood

Mah-o-Anjum Ka Ye Hairat Kadah Baqi Na Rahe
Tu Rahe Aur Tera Zamzama-e-La-Mujood

Jis Ko Mashroo Samjhte Hain Faqeehan-e-Khudi
Muntazir Hai Kisi Mutarib Ka Abhi Tak Woh Surood!