(Zarb-e-Kaleem-140) Shair-e-Ajam

Shair-e-Ajam

Hai Shair-e-Ajam Gharche Tarabnaak-o-Dil-Awaiz
Iss Shair Se Hoti Nahin Shamsheer-e-Khudi Taiz

Afsurda Agar Iss Ki Nawa Se Ho Gulistan
Behtar Hai Ke Khamosh Rahe Murgh-e-Sehar Khaiz

Woh Zarb Agar Koh Shikan Bhi Ho To Kya Hai
Jis Se Mutazalzal Na Huwi Doulat-e-Parviaz

Iqbal Ye Hai Khara Tarashi Ka Zamana
‘Az Har Che Ba-Aaeena Nama-Yand Ba Parhaiz’