(Zarb-e-Kaleem-142) Mard-e-Buzurg

Mard-e-Buzurg

Uss Ki Nafrat Bhi Umeeq, Uss Ki Muhabbat Bhi Umeeq
Qeher Bhi Uss Ka Hai Allah Ke Bandon Pe Shafeeq

Parwarish Pata Hai Taqleed Ki Tareeki Mein
Hai Magar Uss Ki Tabiat Ka Taqaza Takhleeq

Anjuman Mein Bhi Mayassar Rahi Khalwat Uss Ko
Shama-e-Mehfil Ki Tarah Sub Se Judda, Sub Ka Rafeeq

Misl-e-Khursheed-e-Sehar Fikr Ki Tabani Mein
Baat Mein Sada-o-Azadah, Ma’aani Mein Daqeeq

Uss Ka Andaz-e-Nazar Apne Zamane Se Judda
Uss Ke Ahwal Se Mehram Nahin Peeran-e-Tareeq