(Zarb-e-Kaleem-151) Siasiyat-e-Mashriq-o-Maghrib - Ishtarakiat

Siasiat-e-Mashriq-o-Maghrib

Ishtrakiat

Qoumon Ki Rawish Se Mujhe Hota Hai Ye Maloom
Be Sood Nahin Roos Ki Ye Garmi-e-Raftar

Andesha Huwa Shaukhi-e-Afkaar Pe Majboor
Farsooda Tareeqon Se Zamana Huwa Bezar

Insaan Ki Hawas Ne Jinhain Rakha Tha Chupa Kar
Khule Nazar Aate Hain Batadreej Woh Asrar

Quran Mein Ho Ghota-Zan Ae Mard-e-Musalman
Allah Kare Tujh Ko Atta Jiddat-e-Kirdar

Jo Harf-e-‘Qulil-Affo’ Mein Poshida Hai Ab Tak
Iss Dour Mein Shaid Woh Haqiqat Ho Namoodar!