(Zarb-e-Kaleem-171) Mussolini

Mussolini
(Apne Mashriqi Aur Maghribi Hareefon Se)

Kiya Zamane Se Nirala Hai Missulini Ka Jurm!
Be-Mehal Bighra Hai Masooman-e-Yourap Ka Mazaj

Main Phatakta Hun To Chalni Ko Bura Lagta Hai Kyun
Hain Sabhi Tehzeeb Ke Auzar ! Tu Chhalni, Main Chhaj

Mere Soda’ay Mulookiat Ko Thukrate Ho Tum
Tum Ne Kya Torhe Nahin Kamzor Qoumon Ke Zujaj?

Ye Ajaeb Shaubde Kis Ki Mulookiat Ke Hain
Rajdahani Hai, Magar Baqi Na Raja Hai Na Raaj

Aal Seezar Chob-e-Ne Ki Aabyarimein Rahe
Aur Tum Dunya Ke Banjar Bhi Na Choro Be Kharaaj!

Tum Ne Loote Ne-Nawa Sehra Nasheenon Ke Khayam
Tum Ne Looti Kisht-e-Dehqan, Tum Ne Loote Takht-o-Taaj

Parda-e-Tehzeeb Mein Gharat Gari, Adam Gari
Kal Rawa Rakhi Thi Tum Ne, Main Rawa Rakhta Hun Aaj !

22 August 1935 Bhopal (Sheesh-Mahal) Mein Likhe Gye