Nafsiyat-e-Ghulami(Turki Wafad-e-Hilal-e-Ahmar Lahore Mein)
Kaha Mujahid-e-Turki Ne Mujh Se Baad-e-Namaz
Taweel Sajda Hain Kyun Iss Qadar Tumhare Imam
Woh Saada Mard-e-Mujahid, Woh Momin-e-Azad
Khabar Na Thi Use Kya Cheez Hai Namaz-e-Ghulam
Hazar Kaam Hain Mardan-e-Hur Ko Dunya Mein
Inhi Ke Zauq-e-Amal Se Hain Ummaton Ke Nazam
Badan Ghulam Ka Souz-e-Amal Se Hai Mehroom
Ke Hai Muroor Ghulamon Ke Roz-o-Shab Pe Haram
Taweel Sajda Agar Hain To Kya Ta’ajjub Hai
Waraye Sajda Ghareebon Ko Aur Kya Hai Kaam
Khuda Naseeb Kare Hind Ke Imamon Ko
Woh Sajda Jis Mein Hai Millat Ki Zindagi Ka Payam!
No comments:
Post a Comment