(Zarb-e-Kaleem-186) Mehrab Gul Afghan Ke Afkar - Mere Kohistan ! Tujhe Chor Ke Jaun Kahan

Mehrab-e-Gul Afghan Ke Afkar

Mere Kuhistan! Tujhe Chor Ke Jaun Kahan
Teri Chatanon Mein Hai Mere Ab-o-Jad Ki Khak

Roz-e-Azal Se Hai Tu Manzil-e-Shaheen-o-Charkh
Lala-o-Gul Se Tehi, Naghma-e-Bulbul Se Pak

Tere Kham-o-Paich Mein Meri Behisht-e-Bareen
Khak Teri Ambreen, Aab Tera Taabnaak

Baaz Na Ho Ga Kabhi Banda-e-Kubak-o-Hamam
Hifz-e-Badan Ke Liye Rooh Ko Kar Doon Halaak!

Ae Mere Faqr-e-Ghayyur! Faisal Tera Hai Kya
Khilat-e-Angraiz Ya Pairhan-e-Chaak Chaak!