(Zarb-e-Kaleem-189) Kya Charkh-e-Kaj Ro, Kya Mehar, Kya Mah

Kya Charkh-e-Kajro, Kya Meher, Kya Mah
Sub Rahru Hain Wa Manda-e-Rah

Karka Sikandar Bijli Ki Manind
Tujh Ko Khabar Hai Ae Marg-e-Nagah

Nadir Ne Looti Dilli Ki Doulat
Ek Zarb-e-Shamsheer,  Afsana Kotah

Afghan Baqi, Kuhsar Baqi
Alhukamu Lilah! Alhukamu Lilah!

Hajat Se Majboor Mardan-e-Azad
Karti Hai Hajat Sheron Ko Rubah

Mehram Khudi Se Jis Dam Huwa Faqr
Tu Bhi Shehenshah, Mein Bhi Shehenshah

Qoumon Ki Taqdeer Woh Mard-e-Darvaish
Jis Ne Na Dhoondi Sultan Ki Dargah