(Zarb-e-Kaleem-192) Rumi Badle, Shami Badle, Badla Hindustan

Rumi Badle, Shaami Badle, Badla Hindustan
Tu Bhi Ae Farzand-e-Kuhastan! Apni Khudi Pehchan

Apni Khudi Pehchan
O Ghafil Afghan!

Mousam Acha, Pani Wafir, Mitti Bhi Zarkhiaz
Jis Ne Apna Khait Na Seencha, Woh Kaisa Dehqan

Apni Khudi Pehchan
O Ghafil Afghan!

Unchi Jis Ki Lehr Hai, Woh Kaisa Darya
Jis Ki Hawaen Tund Nahin Hain, Woh Kaisa Toofan

Apni Khudi Pehchan
O Ghafil Afghan!

Dhoond Ke Apni Khaak Mein Jis Ne Paya Apna Aap
Uss Bande Ki Dehqani Par Sultani Qurban

Apni Khudi Pehchan
O Ghafil Afghan!

Teri Be-Ilmi Ne Rakh Li Be-Ilmon Ki Laaj
Alim Fazil Baich Rahe Hain Apna Deen Imaan

Apni Khudi Pehchan
O Ghafil Afghan!