(Zarb-e-Kaleem-194) Ishq Tiniat Mein Firo Maya Nahin Misal-e-Hawas

Ishq Tiniat Mein Firomaya Nahin Misl-e-Hawas
Par Shahbaz Se Mumkin Nahin Parwaz-e-Magas

Yun Bhi Dastoor-e-Gulistan Ko Badal Sakte Hain
Ke Nasheman Ho Anadil Pe Garan Misl-e-Qafas

Safar Amadah Nahin Muntazir-e-Bang-e-Raheel
Hai Kahan Qafla-e-Mouj Ko Parwaye Jaras!

Gharcha Maktab Ka Jawan Zinda Nazar Ata Hai
Murda Hai, Mang Ke Laya Hai Farangi Se Nafas

Parwerish Dil Ki Agar Mad-e-Nazar Hai Tujh Ko
Mard-e-Momin Ki Nigah-e-Galat Andaz Hai Bas!