(Bang-e-Dra-060) Kushada Dast-e-Karam Jab Vo Be Niaz Kare

Kushada Dast-e-Karam Jab Woh Be-Niaz Kare
Niazmand Na Kyun Ajazi Pe Naaz Kare

Bitha Ke Arsh Pe Rakha Hai Tu Ne Ae Waaiz!
Khuda Woh Kya Hai Jo Bandon Se Ehtraz Kare

Meri Nigah Mein Woh Rind Hi Nahin Saqi
Jo Hoshiyari-o-Masti Mein Imtiaz Kare

Madaam Gosh Ba Dil Reh, Ye Saaz Hai Aesa
Jo Ho Shikasta To Paida Nawa-e-Raaz Kare

Koi Ye Puche Ke Waaiz Ka Kya Bigarta Hai
Jo Be-Amal Pe Bhi Rehmat Woh Be-Niaz Kare

Sukhan Mein Souz, Elahi Kahan Se Ata Ha
Ye Cheez Woh Hai Ke Pathar Ko Bhi Gudaz Kare

Tameez-e-Lala-o-Gul Se Hai Nala-e-Bulbul
Jahan Mein Wa Na Koi Chashm-e-Imtiaz Kare

Ghuroor-e-Zuhd Ne Shikhla Diya Hai Waaiz Ko
Ke Bandgan-e-Khuda Par Zuban Daraz Kare

Hawa Ho Aesi Ke Hindustan Se Ae Iqbal
Ura Ke Mujh Ko Ghubar-e-Rah-e-Hijaz Kare