(Bal-e-Jibril-012) Mata-e-Bebaha Hai Dard-o-Soz-e-Arzoo Mandi

Mataa-E-Bebaha Hai Dard-O-Soz-E-Arzoo-Mandi
Maqam-E-Bandagi De Kar Na Loon Shan-E-Khudawandi

Tere Azad Bandon Ki Na Ye Dunya, Na Vo Dunya
Yahan Merne Ki Pabandi, Wahan Jeene Ki Pabandi

Hijab-E-Ikseer Hai Awara-E-Kooay Mohabat Ko
Meri Atish Ko Bharkati Hai Teri Dair Paywandi

Guzar Auqat Kar Leta Hai Ye Koh-O-Biyaban Mein
K Shaheen Ke Liye Zillat Hai Kaar-E-Ashiyan Bandi

Ye Faizan-E-Nazar Tha Ya K Maktab Ki Karamat Thi
Sikhaye Kis Ne Ismaeel (A.S.) Ko Adab-E-Farzandi

Ziarat Gah-E-Ahl-E-Azam-O-Himmat Hai Lehad Meri
K Khak-E-Rah Ko Mein Ne Bataya Raz-E-Alwandi

Meri Mashatagi Ki Kya Zaroorat Husn-E-Maani Ko
Ke Fitrat Khud Ba Khud Karti Hai Lale Ki Hina Bandi