(Bang-e-Dra-085) Abdul Qadir Ke Naam

Abdul Qadir Ke Naam

Uth Ke Zulmat Huwi Paida Ufaq-e-Khawar Par
Bazm Mein Shoala Nawayi Se Ujala Kar Dain

Aik Faryad Hai Manind-e-Sipand Apni Bisat
Issi Hangame Se Mehfil Tah-o-Bala Kar Dain

Ahl-e-Mehfil Ko Dikha Dain Asr-e-Saqeel-e-Ishq
Sang-e-Amroz Ko Aeena-e-Farda Kar Dain

Jalwa-e-Yousaf-e-Gum Gashta Dikha Kar In Ko
Tapish Aamadah Tar Az Khoon-e-Zulekha Kar Dain

Iss Chaman Ko Sabaq Aaeene-e-Namoo Ka Dar Kar
Qatra-e-Shabnam-e-Be-Maya Ko Darya Kar Dain

Rakht-e-Jaan Butkuda-e-Cheen De Utha Lain Apna
Sub Ko Mehv-e-Rukh-e-Saadi-o-Sulema Kar Dain

Dekh! Yasrab Mein Huwa Naqa-e-Laila Baikar
Qias Ko Arzoo-e-Nau Se Shanasa Kar Dain

Badah Dairina  Ho Aur Garam Ho Aesa Ke Gudaz
Jigar-e-Shisha-o-Pemana-o-Meena Kar Dain

Garam Rakhta Tha Humain Sardi-e-Maghrib Mein Jo Dagh
Cheer Kar Seena Usse Waqf-e-Tamasha Kar Dain

Shama Ki Tarah Jabeen Bazm Gah-e-Alam Mein
Khud Jalain, Didah-e-Aghyar Ko Beena Kar Dain

“Har Che Dil Guzrd Wa Qaf-e-Zuban Darad Shama
Sokhtan Neest Khaya Le Ke Nihan Darad Shama”