(Bang-e-Dra-084) Faraak

Firaq

Talash-e-Gosha-e-Uzlat Mein Phir Raha Hun Main
Yahan Pahar Ke Daman Mein Aa Chupa Hun Main

Shikasta Geet Mein Chashmon Ke Dilbari Hai Kamal
Dua-e-Tiflik-e-Guftar Azma Ki Misal

Hai Takht-e-La'al-e-Shafaq Par Jaloos-e-Akhtar-e-Sham
Behisht-e-Didah-e-Beena Hai Husn-e-Manzar-e-Sham

Sukoot-e-Sham-e-Judai Huwa Bahana Mujhe
Kisi Ki Yaad Ne Sikhla Diya Tarana Mujhe

Ye Kaifiat Hai Meri Jaan-e-Na-Shakiba Ki
Meri Misal Hai Tifl-e-Sagheer-e-Tanha Ki

Andheri Raat Mein Karta Hai Woh Surood Aaghaz
Sada Ko Apni Samajhta Hai Ghair Ki Awaz

Yunhi Mein Dil Ko Payam-e-Shakeeb Deta Hun
Shab-e-Firaq Ko Goya Faraib Deta Hun