(Bang-e-Dra-097) Namood-e-Subah

Namood-e-Subah

Ho Rahi Hai Zair-e-Daman-e-Ufaq Se Aashkar
Subah Yani Dukhtar-e-Doshiza-e-Lail-o-Nahar

Pa Chuka Fursat Durood-e-Fasl-e-Anjum Se Sipihr
Kisht-e-Khawar Mein Huwa Hai Aftab Aaeena Kaar

Aasman Ne Amad-e-Khursheed Ki Pa Kar Khabar
Mehmil-e-Parwaz-e-Shab Bandha Sar-e-Dosh-e-Ghubar

Shaola Khursheed Goya Hasil Iss Khaiti Ka Hai
Boye The Dehqan-e-Gardoon Ne Jo Taron Ke Sharaar

Hai Rawan Najam-e-Sehar, Jaise Ibadat Khane Se
Sub Se Peche Jaye Koi Abid-e-Shab Zinda Dar

Kya Saman Hai Jis Tarah Ahista Ahista Koi
Khainchta Hi Miyan Ki Zulmat Se Taigh-e-Aabdar

Matla-e-Khursheed Mein Muzmar Hai Yun Mazmoon-e-Subah
Jaise Khalwat-Gah-e-Meena Mein Sharab-e-Khushgawar