(Bang-e-Dra-098) Tazmeen Ber Shair-e-Aneesi Shamilo

Tazmeen Bar Shair-e-Aneesi Shamlo

Hamesha Soorat-e-Bad-e-Sehar Awara Rehta Hun
Mohabbat Mein Hai Manzil Se Bhi Khaushtar Jadah Pemayi

Dil-e-Betab Ja Pohancha Diyar-e-Peer-e-Sanjar Mein
Muyassar Hai Jahan Darman-e-Dard-e-Nashakeebai

Abhi Na-Ashnaye Lab Tha Harf-e-Arzoo Mera
Zuban Hone Ko Thi Minnat Pazeer-e-Taab-e-Goyai

Ye Marqad Se Sada Ayi, Haram Ke Rehne Walon Ko
Shikayat Tujh Se Hai Ae Tarik-e-Aaeen-e-Aabayi !

Tera Ae Qais Kyunkar Ho Gya Souz-e-Daroon Thanda
Ke Laila Mein To Hain Ab Tak Wohi Andaz-e-Lailayi

Na Tukhm-e-‘La Ilaha’ Teri Zameen-e-Shor Se Phoota
Zamane Bhar Mein Ruswa Hai Teri Fitrat Ki Nazayi

Tujhe Maaloom Hai Ghafil Ke Teri Zindagi Kya Hai
Kunishti Saaz, Maamoor-e-Nawa Haye Kaleesai

Huwi Hai Tarbiat Aghosh-e-Bait Ullah Mein Teri
Dil Shourida Hai Lekin Sanam Khane Ka Soudai

“Wafa Aamo Khasti Azma” Bakar-e-Deegaran Kardi
Rabudi Gohare Azma Nisar-e-Deegran Kardi”