Phool Ka Tohfa Atta Hone ParWoh Mast-e-Naaz Jo Gulshan Mein Ja Niklti Hai
Kali Kali Ki Zuban Se Dua Niklti Hai
“Elahi! Phoolon Mein Woh Intikhab Mujh Ko Kare
Kali Se Rashak-e-Gul-e-Aftab Mujh Ko Kare”
Tujhe Woh Shakh Se Torain! Zahe Naseeb Tere
Tarapte Reh Gye Gulzar Mein Raqeeb Tere
Utha Ke Sadma-e-Furqat Wisal Tak Pohncha
Teri Hayat Ka Jouhar Kamal Tak Pohncha
Mera Kanwal Le Tasadduq Hain Jis Pe Ahl-e-Nazar
Mere Shabab Ke Gulshan Ko Naaz Hai Jis Par
Kabhi Ye Phool Hum Aghosh-e-Mudda Na Huwa
Kisi Ke Daman-e-Rageen Se Ashna Na Huwa
Shugufta Kar Na Sake Gi Kabhi Bahar Isse
Fusurda Rakhta Hai Gulcheen Ka Intizar Isse
No comments:
Post a Comment