(Zarb-e-Kaleem-108) Adabiat Fanoon-e-Latifa - Deen-o-Hunar

Adabiat
Funoon-e-Latifa

Deen-o-Hunar

Surood-o-Shair-o-Siasat, Kitab-o-Deen-o-Hunar
Guhar Hain Un Ki Girah Mein Tamam Yakdana

Zameer-e-Banda-e-Khaki Se Hai Namood Un Ki
Buland Tar Hai Sitaron Se Un Ka Kashana

Agar Khudi Ki Hifazat Karain To Aen-e-Hayat
Na Kar Sakain To Sarapa Fusoon-o-Afsana

Huwi Hai Zair-e-Falak Ummaton Ki Ruswayi
Khdui Se Jab Adab-o-Deen Huwe Hain Begana