(Zarb-e-Kaleem-109) Takhleeq

Takhleeq

Jahan-e-Taza Ki Afkar-e-Taza Se Hai Namood
Ke Sang-o-Khisht Se Hote Nahin Jahan Paida

Khudi Mein Doobne Walon Ke Azam-o-Himmat Ne
Iss Aabjoo Se Kiye Behar-e-Bekaran Paida

Wohi Zamane Ki Gardish Pe Ghalib Ata Hai
Johar Nafs Se Kare Umar-e-Javidan Paida

Khudi Ki Mout Se Mashriq Ki Sarzameenon Mein
Huwa Na Koi Khudai Ka Raazdan Paida

Hawaye Dasht Se Booye Rafaqat Ati Hai
Ajab Nahin Ke Hon Mere Hum Anan Paida